Париз, градот на светлината… или нешто многу повеќе. Имајќи ја сета своја историја, архитектура, уметност, култура и живот кој плени со својата динамичност и космополитност, како ретко кој град на светот го зазема своето место во срцето на секој негов посетител…

1ден / 08.03   СКОПЈЕ  – БУВЕ – ПАРИЗ  

Состанок на групата на аеродромот во Скопје во 04.40 часот. Полетување за (Буве) Париз во 06.40 и пристигнување во 09.45 часот. Организиран трансфер до хотел во Париз. Ги оставаме багажите во Хотелот и следува разглед на Париз (пешачка тура + метро) низ најелегантниот град на светот кој изобилува со уметност и историја. Можност за посета на Ile de la Cite со катедралата Notre-dame, латинскиот кварт, Saint Germain, Sorbonne, Пантеон, Луксембуршката палата, продолжуваме кон , Vendome , Операта и Gallery La Fayette.Во вечерните враќање во хотел. Ноќевање.

2 ден / 09.03 МАРТ   ПАРИЗ – ВЕРСАЈ- АЈФЕЛОВА КУЛА-КРСТАРЕЊЕ ПО СЕНА

Појадок. Факултативна посета (со метро )на ремек делото на францускиот класицизам, величенствениот дворец Версај, една од најлуксузните кралски палати во Европа. Прошетка по кралските апартмани, прочуената сала со огледала, прекрасните градини на “Кралот на Сонцето” Луј XIV, многубројните фонтани, скулптури и прекрасни фигури од зеленило…. Враќање во градот Во попладневните часови можност за посета на Ајфеловата кула и уживање во неверојатната панорамска глетка од третиот кат на ова уникатно архитектонско издание. По посетата на Ајфеловата кула предлог Крстарење по Сена, со времетраење од 1 час и можност да ја почуствувате магијата на Париз од различна преспектива. Слободно време за индивидуални прошетки. Враќање во хотел со метро. Ноќевање.

3 ден/ 10.03    ПАРИЗ – ЛУВР

Појадок. Посета на квартот на уметниците – уникатниот Монмартр, посета на Базиликата Sacre Couer која Парижани ја нарекуваат “белата гулабица”. Можност за дегустација на познатото вино cabernet sauvign, кое во минатото потекнувало токму од лозовите насади од овој дел на градот. Разгледот продолжува до квартот Пигал, познат по бројните кабареа, меѓу кои и светски познатиот Mouline Rouge.Посета на Катедралата Нотр Дам, позната како „Богородичната црква во Париз“ сместена на островот Сите, формиран на реката Сена, кој е најстариот дел од Париз. По разгледот можност за факултивна посета на еден од најбогатите светски музеи Лувр  кој 700 години бил резиденција на француските кралеви, се до нивната преселба во Версај. Во него се наоѓаат околу  65.300 уметнички дела меѓу кои и познатата Мона Лиза.Попладне препорачуваме прошетка по познатата шопинг улица Риволи. Враќање во хотел. Ноќевање

4 ден /  11.03    ПАРИЗ – СКОПЈЕ

Појадок. Организиран трансфер до аеродромот. Полетување за Скопје во 10.20,  пристигнување во 13.00 часот.

Цена за рана уплата со вклучени аеродромски такси    –  479 еур    до 10.02.2024

 Редовна цена со вклучени аеродромски такси  –    529 еур  

ВО ЦЕНАТА НА АРАНЖМАНОТ Е ВКЛУЧЕНО:

• Авионски превоз на релација  Скопје – Париз – Скопје
• Аеродромски такси
• Рачен багаж (1 торба  со димензии 40х30х20см)
• Организирани трансфери во Париз на релација аеродром – хотел – аеродром
• Сместување во Хотел во Париз на база 3 ноќевања со појадок
• Организација на аранжманот и придружник на патувањето

ВО ЦЕНАТА НА АРАНЖМАНОТ НЕ Е ВКЛУЧЕНО:

• Чекиран багаж – куфер до 10кг /куфер до 23кг
• Туристичка такса по лице  за 3 ноќи  – ( се плаќа во агенција )
• Пешачки разглед со локален водич – 15 €;
• Посета на Версај – 80 € со вклучена влезница за дворецот (градините не се вклучени во цената), локален водич, трансфер, задолжително пријавување при уплата на аранжманот во агенција;
• Влезница за Ајфелова Кула (на лице место) до втор кат – 28 €, до трет кат – 38 € (со лифт);
• Крстарење со брод по Сена – 20 €;
• Посета на Лувр – 60 € (вклучена влезница+ пратител на групата, задолжително пријавување при уплата на аранжманот во агенција);
• Задолжително пријавување за факултативите во агенција и за реализација 14 патника.Карти за јавен превоз (метро) за индивидуални движења
• Патничко-здравствено осигурување – 250 ден по лице

Напомена:

• Цените се по лице за сместување во двокреветни соби.
• За реализација на аранжманот потребен е минимум од 15 патници. За резервација задолжителна уплата на аванс од 30% од вкупниот износ на аранжманот. Целосна доплата на аражманот е 10 дена пред поаѓање. Усни и телефонски резервации се невалидни. Плаќањето е исклучиво во денарска противвредност по курс 1 евро = 62,00 денари.
• За реализација на факултативните излети потребен е минимум од 15 патници. При резервација задолжително е изјаснување/пријавување кои од понудените факултативи ќе ги користи патникот како би можела агенцијата навремено да ги организира истите.
• Агенцијата го задржува правото на промена на редоследот на програмата во случај на непредвидени објективни причини, како на пример застој на граница, доцнење на летот, застој во сообраќајот, затвореност на некој од локалитети предвидени за посета …
• Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.
• Агенцијата го задржува правото на отказ на аранжманот 7 дена пред поаѓање доколку не е исполнет бројот на пријавени лица предвидени по програмата за ова патување.
• Патникот има обврска пред поаѓање 24 часа да ја контактира агенцијата за потврда на точното време и место на поаѓање.
• Патната исправа треба да е валидна минимум 3 месеци по завршувањето на аранжманот. Валидноста на патните исправи се обврска на патниците, при уплата на резервација должни се истите да ги приложат во агенцијата за проверка.